ताडोबाला येणाऱ्या पर्यटकांसाठी आनंदाची बातमी; ‘अंजना होम स्टे’चा ४ जुलै रोजी शुभारंभ

ताडोबाला येणाऱ्या पर्यटकांसाठी आनंदाची बातमी; ‘अंजना होम स्टे’चा ४ जुलै रोजी शुभारंभ

चिमूर | प्रतिनिधी

जागतिक स्तरावर प्रसिद्ध असलेल्या ताडोबा-अंधारी व्याघ्र प्रकल्पाला भेट देणाऱ्या देश-विदेशातील पर्यटकांसाठी आता आणखी एक आधुनिक व आरामदायी निवासाची सुविधा उपलब्ध होणार आहे. चिमूर येथील “अंजना होम स्टे”चा दि. ४ जुलै २०२६ रोजी शुभारंभ होत असून, ताडोबा परिसरात येणाऱ्या पर्यटकांना घरगुती वातावरणासह दर्जेदार सुविधा देण्याचा प्रयत्न या माध्यमातून करण्यात आला आहे.

दि. ४ जुलै रोजी आयोजित उद्घाटन समारंभाचे उद्घाटन मा. श्री. महेश बी. गायकवाड, सहाय्यक वनसंरक्षक, ब्रह्मपुरी यांच्या हस्ते होणार असून, या प्रसंगी वन विभागातील अधिकारी, मान्यवर व स्थानिक नागरिकांची उपस्थिती लाभणार आहे.

दरवर्षी हजारो पर्यटक, वन्यजीवप्रेमी, छायाचित्रकार आणि निसर्गप्रेमी ताडोबा व्याघ्र प्रकल्पाला भेट देतात. या पर्यटकांना स्वच्छ, सुरक्षित आणि किफायतशीर निवास उपलब्ध व्हावा, या उद्देशाने अंजना होम स्टेची उभारणी करण्यात आली आहे.

होम स्टेमध्ये प्रशस्त व सुसज्ज खोल्या, कुटुंबासाठी योग्य निवास, घरगुती भोजन, शांत परिसर तसेच पर्यटकांच्या सोयीसाठी आवश्यक आधुनिक सुविधा उपलब्ध करून देण्यात आल्या आहेत. ताडोबा सफारीसाठी येणाऱ्या पर्यटकांसाठी हे होम स्टे एक विश्वासार्ह आणि सोयीस्कर निवासस्थान ठरणार असल्याचा विश्वास व्यक्त करण्यात येत आहे.

दि. ४ जुलै रोजी होणाऱ्या उद्घाटन सोहळ्यास मान्यवर, वन विभागाचे अधिकारी, पर्यटन क्षेत्रातील प्रतिनिधी तसेच स्थानिक नागरिक उपस्थित राहणार आहेत. या उपक्रमामुळे चिमूर परिसरातील पर्यटन व्यवसायाला चालना मिळण्यासोबतच स्थानिक रोजगारालाही प्रोत्साहन मिळेल, अशी अपेक्षा व्यक्त केली जात आहे.

— विदर्भ व्हॉईस
जनतेच्या विश्वासाचे वृत्तांकन